Өсвөрийн Гольфийн Монгол Улсын Аварга Шалгаруулах Нээлттэй Тэмцээн 9 сарын 27-ны Ням гарагт Мт. Богд гольфийн талбайд зохиогдож дүнгээ гаргалаа. ~9, 10~13, 14~17 насны ангилалаар зохиогдсон тэмцээнд нийт 35 хүүхэд өрсөлдлөө.
9 хүртлэх насны хүүхдүүд чипп/паттны тэмцээнд оролцож туганд аль хир ойрхон бөмбөгөө байрлуулсанаар оноо цуглуулсан ба Мягмарсүрэнгийн Буяндэлгэрэг 28 оноогоор 1-р байр, Алтан медаль, Баярсайханы Мишээл 12 оноогоор Мөнгөн медаль, Маргадын Баярсайхан 11 оноогоор Хүрэл медаль хүртлээ.
10-13 насны ангилалд оролцсон хүүхдүүд маань пар 5, пар 4, пар 3 тус бүр нэг нэг буюу нийт 3 нүхний нийт дүнгээр шалгаруулсан ба Б. Төрхишиг +1 оноогоор Алтан медаль, Баярхүүгийн Нарансолонго мөн +1 оноогоор Мөнгөн медаль, Гантөмөрийн Эрмүүн +3 оноогоор Хүрэл медалийн эзэд боллоо.
14-с дээш насны хүүхдүүд 9 нүх тоглож хамгийн бага оноогоор шалгаруулахад Хасарын Тэлмэн +6 оноогоор Алтан медаль, Мягмарсүрэнгийн Буян-Эрдэнэ Мөнгөн медаль, Ноа Армитаж +11 оноогоор Хүрэл медаль хүртлээ.
Гольфчин хүүхдүүддээ сурлага, спортын өндөр амжилт хүсье!!!
