Холбооны дүрмийн хоёрдугаар зүйлд заасны дагуу холбооны гишүүн болсон тоглогчдод чансаа тогтоох, олон улсын тэмцээнд оролцуулахад чансааг харгалзан үзэх зохицуулалттай.

Чансаа тогтоох тэмцээнийг сонгохдоо дараах зарчмыг баримтална. Үүнд:

• Холбооноос албан ёсоор зохион байгуулдаг тэмцээнүүдийг эн тэргүүнд оруулах бөгөөд цар хүрээ, ач холбогдлын түвшингээр үнэлж оноог тогтооно.
• Чансаа тогтоох тэмцээн нь нээлттэй тэмцээн байх зарчмыг баримтална. Холбооны гишүүд чансаа тогтоох аль ч тэмцээнд нээлттэй оролцох боломжоор хангагдсанаар тэгш эрхтэйгээр, шударга өрсөлдөх зарчимд нийцнэ.
• Чансаа тогтоох тэмцээн нь холбооноос зарласан гольфийн улиралд явагдахаар зохион байгуулагдсан байна.
• Тухайн жилийн чансаа тогтоох нийт тэмцээний тоо 10-с доошгүй байна. Ингэснээр гишүүд тэгш боломжтойгоор оноо цуглуулах боломж нэмэгдэнэ.

Монголын гольфийн холбооноос гаргасан бүх гишүүдийн чансааны үр дүнгээс олон улсын тэмцээнд оролцох тамирчдыг  сонгож оролцуулна. Олон улсын тэмцээний тавигдсан шаардлагын дагуу хүлээн зөвшөөрөгдөх хандикепийн хэмжээг харгалзан үзэж байр эзэлсэн дарааллаар нь эрэмбэд оруулж оролцох тамирчныг тодорхойлно.

Тэмцээн бүр зэрэглэлээсээ хамааран дараах 4 төрлийн оноотой байна. Үүнд:

Зэрэглэл 1. 1500 оноо – Монгол Улсын Сонирхогчийн Гольфийн аварга шалгаруулах нээлттэй тэмцээн (эрэгтэй болон эмэгтэй),

Зэрэглэл 2. 1000 оноо – Үйл ажиллагаа явуулж байгаа гольфийн талбайн нэрэмжит аварга шалгаруулах нээлттэй тэмцээнүүд,

Зэрэглэл 3. 500 оноо – Жил бүр уламжлал болон зохион байгуулагдаж ирсэн нэрэмжит томоохон тэмцээнүүд,

Зэрэглэл 4. 300 оноо – Чансаа тогтоох тэмцээний нээлттэй байх зарчимд тулгуурлан зохион байгуулагдаж буй бусад спонсор байгууллагуудын болон болон гольфийн талбайн цуврал жижиг тэмцээнүүд,

Чансаа тогтоох тэмцээний жагсаалтыг веб сайтын “Тэмцээн – Тэмцээний хуваарь” хэсгээс харна уу.

Олон улсын томоохон тэмцээнд оролцох тамирчныг дараах байдлаар сонгодог.