“Landrover Cup 2017” гольфийн ээлжит тэмцээн Sky resort цогцолборын Mountbogd талбайд амжилттай зохион байгуулагдлаа.
Тус тэмцээнд 80 тамирчин оролцсон бөгөөд эрэгтэйчүүдийн Медалистийн төрлийн 1-р байранд 77 оноогоор Д.Өлзийдэлгэр, 2-р байранд 78 оноогоор О.Оюунболд, 3-р байранд 79 оноогоор Г. Мэндсайхан нар шалгарсан бол Хандикэпийн төрөлд 1-р байранд – 10,2 оноогоор Б.Мөнхжаргал, 2-р байранд – 6,4 оноогоор Г.Түвшинтөгс , 3-р байранд -2.8 оноогоор М.Баярбахдал тус тус байр эзэллээ.
Эмэгтэйчүүдийн Медалистийн төрөлд 1-р байранд 90 оноогоор Б.Батнаран тэргүүлж, Longest буюу хамгийн хол цохилт хийсэн тамирчин С.Мөнхжаргал, харин Nearest буюу эхний цохилтоороо тугтай хамгийн ойрхон бөмбөгөө буулгасан тамирчин Д.Ичинноров нар тус тус шагналт байранд шалгарлаа.
Landrover Cup 2017 тэмцээний үеэр Hole In One хийсэн тамирчинд Landrover Discovery Sport машин өгөхөөр амалсан боловч тийм тохиолдол гарсангүй.
